नेपालगन्ज,अभिनेता बिराज भट्टको निर्माणमा तथा निर्देशनमा तयार हुने चलचित्र ‘१२ गाउँ’को अभिनेत्रीको रूपमा सनिशा भट्टराई छनौट गरिएको छ। आफ्नो सामाजिक संजालमा सनिशा सगैको तस्बिर पोस्ट गर्दै चलचित्रमा सनिशा मुख्य कलाकारको रूपमा भित्रिएको जानकारी दिए ।
उनले सनिशासँगको केही तस्बिर सेयर गर्दै सामाजिक संजालमा भनेका छन्, ‘धेरै सम्भावना बोकेकी, सौन्दर्य तथा कलाकी धनी सनिसा भट्टराई हाम्रो १२ गाउँ चलचित्रमार्फत प्रमुख भूमिकामा आफ्नो फिल्मी यात्राको सुरुवात गर्दै । उहाँलाई धेरै धेरै बधाई तथा शुभकामना ।’
नेपाल र भारतमा छायाङ्कन हुने चलचित्र ‘१२ गाउँ’बाट पूर्वमिस नेपाल इन्टरनेसनल न्यान्सी खड्का र भट्टकै छोरा समीर पनि मुख्य भूमिकामा देखिँदै छन् । एक्सन–थ्रीलर कथामा निर्माण हुने चलचित्रलाई यसै बर्ष रिलिज गरिने कुरा बिराजले चित्रभित्रलाई बाताए । बिराजका अनुसार चलचित्रको रिलिज मिती छिट्टै सार्वजनिक गरिने पनि उन्ले बताए ।
