नेपालगन्ज, आउदो जेठ १० गते विश्वव्यापी रिलिजको तयारीमा रहेको चलचित्र ‘पुजार सार्की’को दोस्रो गीत ‘रिमै’ सार्वजनिक भएको छ। चलचित्रको थिम प्रस्तुत गरिएको गीतमा चलचित्रका मुख्य कलाकार आर्यन सिग्देल,प्रदीप खड्का,पल शाह,अञ्जना बाराऐली,परीक्षा लिम्बुलाई देखाइएको छ।
गीतमा दिनेश राउतका शब्द र सुवास भुसालको सङ्गीत रहेको छ भने देवेन्द्र बराल र मुना ठटालको स्वर रहेको छ। चलचित्रमा मोहन निरौला, लोकेन्द्र लेखक, सुवास गजुरेल, विद्या कार्की, तारा शर्मा, शङ्कर आचार्य, प्रेम सुब्बा, गोविन्द रमण पराजुली, राजेश बिसुराल लगायतको अभिनय रहेको छ।
चलचित्र ‘पुजार सार्की’लाई ‘क्लासिक’, ‘नोभेम्बर रेन’, ‘प्रसाद’, ‘प्रकाश’ फेम्ड निर्देशक दिनेश राउतले निर्देशन गरेका छन्। निर्देशक राउतले चलचित्रलाई समीक्षात्मक तथा व्यावसायिक दुवै हिसाबले उत्कृष्ट बनाउने प्रयास गरेको देखिन्छ ।
विकास सुवेदीलको लेखन रहेको चलचित्रलाई सुवास भुसालले निर्माण गरेका हुन्। किङ्गडम नेटवर्कको ब्यानरमा बनेको यो चलचित्र नेपालमा आरआर फिल्मसले वितरण गर्दै छ भने अन्तर्राष्ट्रिय बजारमा एमएसएम इन्टरटेन्मेन्टले वितरण गर्दैछ।
