नेपालगन्ज ,बडादशैँको अवसर पारेर गत शुक्रवारबाट प्रदर्शनमा आएको चलचित्र ‘परदेशी २’लाई दर्शकले रुचाइरहेका छन् । काठमाडौं उपत्यकासहित देशभरका हलमा चलचित्र हेर्न दर्शकको उपस्थिति उत्साहजनक देखिएको छ ।
प्रदर्शनको दिनदेखि निर्माण टिमले काठमाडौं उपत्यकाका हल हलमा पुगेर दर्शकको प्रतिक्रिया समेत लिइरहेको थियो । सोही क्रमलाई निरन्तर्ता दिदै चलचित्र टिम यति बेला मोफसल यात्रामा छ । चितवन, बुटवल हुँदै नेपालगन्ज आइपुगेको टिमले आज नेपालगन्जमा रहेको क्युएफएक्स सिनामज र सिने रोयलमा पुगेर दर्शकको प्रतिक्रिया लिएका छन् । चलचित्र हेरेर साथ दिएका दर्शकलाई धन्यवाद दिनुका सथै चलचित्रको रिभ्यु समेत लिएका छन् ।
अभिनेता प्रकाश सपूतसँगै अभिनेत्रीद्वय केकी अधिकारी र वर्षा शिवाकोटीले आज दर्शकलाई चलचित्र हेरेर माया र साथ दिएकोमा प्रत्यक्ष धन्यवाद समेत दिनेछन् । जसरी नेपालगन्जका दर्शक भेट्नका लागि कलाकारहरू उत्साहित देखिएका थिए तेसैगरि दर्शकको साथ र माया देखेर परदेशी -२ टिम पनि निकै उत्साहित देखिएको थियो । टिम हलमा प्रवेश गर्दा दर्शकको ताली सिठी र हुटिङ्गले माहोल रौनकमय बनेको थोयो। आज नेपालगन्जमा दुई हल गरि १५ शो प्रदर्शन भएका धेरै शो हाउसफुल रहे।
केही महिना अगाडि मात्र प्रदर्शनमा आएको नेपालगन्जको नयाँ सिनेमा घर सिने रोयलले चलचित्रको सफलताको उत्सव समेत मनाएको थियो । चलचित्र परदेशी -२ को टिम सहित चलचित्रको सक्सेक केक काटेको माहोलमा अभिनेत्री केकि अधिकारी भाबुक समेत बनिन । केक काट्दै गर्दा “यो त एक्दम इमोसन्ल मुमेम्ट भयो” केकिले बताईन । अभिनेता सपूत र बर्षा सिवाकोटीके त्यो माहोललाई खुशीका साथ आत्मसात गरे ।
दर्शकबाट ‘परदेशी २’ले सकारात्मक ‘वर्ड अफ माउथ’ प्राप्त गरेको छ । हरेक उमेर समूहका दर्शकलाई चलचित्रले हलसम्म तान्न सफल भएकोमा निर्माण टिम खुशी देखिएको छ । नारायण रायमाझीको निर्देशन रहेको ‘परदेशी २’को कथा एवं पटकथा रमेश बिजीले लेखेका हुन् ।
राजेश वंशल र निर्देशक रायमाझीको संयुक्त निर्माण रहेको चलचित्रमा प्रकाश, केकी र वर्षाका साथमा प्रशान्त तामाङ, दिलीप रायमाझी, नीर शाह, देवेन्द्र बब्लु, रमा थपलिया, सबिन बास्तोला, रोशनी कार्की लगायतको समेत अभिनय छ ।
अध्ययनका लागि युवाको विदेश यात्रा र त्यसले सिर्जना गर्ने पारिवारिक एवं सामाजिक संवेदनालाई चलचित्रमा देखाइएको छ । विदेशमा रहँदा एकातर्फ देशको सम्झनाले सताउने, अर्कोतर्फ सन्तान विदेशिँदा बुढेसकाल लागेका आमाबुवाले भोग्ने पीडाको समसामयिक कथालाई चलचित्रमा मर्मस्पर्शी तरिकाले सरल रुपमा प्रस्तुत गरिएको छ ।
यस चलचित्रका निर्देशक रायमाझीले यसअघि ‘गोर्खा पल्टन’ र ‘परदेशी’ जस्ता सुपरहिट चलचित्र दिएका थिए । ‘परदेशी’ प्रदर्शनमा आएको ८ वर्षपछि रायमाझीले यसको दोस्रो श्रृंखला ल्याएका हुन् ।
तस्वीर :- सुरेन्द्र थापा
