नेपालगन्ज,अभिनेता सुशिल श्रेष्ठको मुख्य भुमिका रहेको सिनेमा ‘आउट ल’को विदेश प्रदर्शन अधिकार सेभेन सिज इन्टरटेनमेन्ट प्रालीले खरिद गरेको छ । विदेश अधिकारसँगै सह-निर्माताको रुपमा पनि यो कम्पनि जोडिएको सिनेमाका कार्यकारी निर्माता साहील खानले बताए ।
केहीदिन अगाडी सेभेज सिजको टिमले सिनेमा हेरपछि राम्रो मुख्यमा विदेश प्रदर्शन अधिकार खरिद गर्नुका साथै सह-निर्माताको रुपमा पनि जोडिएको हो । नेपाल वितरक रिच इन्टरटेनमेन्टका सञ्चालक करण श्रेष्ठले चाँडै सिनेमाको फर्स्टलुक पोस्टर सार्वजनिक गर्दै प्रदर्शन मिति घोषणा गर्ने तयारी भैरहेको जानकारी दिए ।
रेट्रो ग्रुपको ब्यानरमा निर्माण हुने सिनेमामा सुशिलका अलवा नरेश पौडेल, शिक्षा संग्रौला, सुमन भण्डारी, हेम गुरुङ, विशाल पहारी र महेश त्रिपाठी लगायतको पनि अभिनय रहेको सिनेमा एक्सन-थ्रिलर जनरामा निर्माण भएको छ । एक्सन थ्रिलर जनरामा निर्माण हुने सिनेमाले कानुन नमान्ने पात्रको कथा भन्छ ।
अभिनेता सुशिल श्रेष्ठ ‘आउट ल’ आफ्नो करियरकै लागि महत्वपूर्ण सिनेमा रहेको बताउँछन् । आफ्नो करियरलाई कता लैजाने भन्ने पनि यो सिनेमाले निर्धारण गर्ने बुझाई अभिनेता श्रेष्ठको छ । शशांक खड्का, अमित अग्रहरी र बिनोद कठायतको लगानीमा निर्माण भएको सिनेमालाई बिक्की महर्जनले निर्देशन गरेका हुन् ।
निर्माता कडायतले यसअघि ‘प्रेमगीत ३’मा कला निर्देशकको रुपमा काम गरेका थिए । ‘कथा दमदार छ । युवालाई लक्षित गरी कथा बनाइएको हो । पढेका र युवा टिममा भएकाले सिनेमाको नतिजा राम्रो आउने विश्वास छ,’ निर्माता कठायतले भने । करिब २ करोडको बजेटमा निर्मार्ण भएको सिनेमालाई नवीन गुरुङले छायांकन गरेका हुन् ।
