यही वैशाख २१ गतेदेखि प्रदर्शनको तयारीमा रहेको रेनशा राई राना निर्देशित चलचित्र ‘ज्याकीः आई एम ट्वान्टी वान’ को ट्रेलरलाई धेरैले तारिफ गरेका छन् । दर्शक देखी कलाकार,निर्माता,निर्देशक सम्मले चलचित्रको ट्रेलरको खुलेर तारिफ गरेका छन् । प्रिथक गीत संगीत,फरक मेकिङ्ग र भिन्नै कथाले धेरैको ध्यान केन्द्रित गरेको हुनाले पनी चलचित्रको क्रेज दर्शकमाझ धेरै भएको पाईन्छ। नयाँ वर्षको अवसर पारेर सार्वजनिक गरिएको चलचित्रको ट्रेलरमा धिरज मगर आफ्नो डान्सर बन्ने सपना र बुवाको लाहुरे बनाउने सपनाबीचको अन्तरद्वन्द्वमा देखिएका छन्। चलचित्रमा बाबु र आफ्नो सपना फरक हुँदा एक छोराले डान्सर बन्नका लागि गरेको कडा संघर्ष गरेको ट्रेलरमा झल्किन्छ।
सामाजिक संजालमा चलचित्र र ट्रेलरको बारेमा फिल्मकर्मीहरुले खुलेर तारिफ गरेका छन् ।
प्रभु शमशेर जबरा र प्रज्ज्वल शमशेर जबराको निर्माणमा तयार भएको चलचित्रमा धिरजका साथमा जसिता गुरुङ, अरुण क्षेत्री, प्रेम सुब्बा, लुनिभा तुलाधर, पल्पसा डंगोल, राजु भुजु, सुजता राई, सुर्यमान लिम्बु, विकाश जोशी, प्रदीप लामा, सुशान्त गौतमलगायत कलाकारको अभिनय छ।
आईकोर फिल्म्स ब्यानरमा निर्माण भएको चलचित्रमा रोहित शाक्य र कालिप्रसाद बाँस्कोटाको संगीत, सुशन प्रजापतिको छायांकन, द वाइल्ड रिपर्ज क्रुको कोरियोग्राफी रहेको छ भने चलहित्रलाई निमेश श्रेष्ठले सम्पादन गरेका छन्।
ट्रेलर
