जेठ ५ गतेबाट रिलिजमा आउने तयारीमा रहेको चलचित्र ‘गणपति’को टिजर सार्वजनिक गरिएको छ । युट्युब च्यानल ओएस आर डिजिटलबाट टिजर सार्वजनिक गरीएको हो । सार्वजनिक टिजरमा अभिनेता मुकुन भुषाल र अभिनेत्री मेनुका प्रधानलाई देखाइएको छ ।एबिगम्यान फिल्मसको ब्यानरमा लक्ष्मण थापाले निर्माण गरेको चलचित्रलाई सविन अधिकारीले निर्देशन गरेका हुन् भने चलचित्रको कथा पनि स्वयंम अधिकारीकै हो ।
निर्देशक अधिकारीका अनुसार चलचित्रले समाजलाई चित्रण गर्ने बताउछन् ‘कोही व्यक्ति कुनैबेला त्यही समाजको भगवान बन्छ भने सोही व्यक्तिलाई हाम्रै समाजले नरकीय व्यवहार गर्छ। त्यसकै वरपर यो चलचित्रको कथा घुमेको छ,’ उनले भने। चलचित्रकोकथा निर्देशक अधिकारी स्वयंले तयार पारेका हुन्। आस्थाको रूपमा रहेका भगवान र भौतिक रूपमै पृथ्वीमा उपस्थित मानिसबीचको फरक देखाउने कथामा चलचित्र निर्माण भएको छ ।
टिजर
हरिबहादुर घलेको छायांकन रहेको चलचित्रमा जयनन्द लामा, कविता न्यौपाने, सूर्यमाला खनाल, प्रकाश घिमिरे, राजाराम पौडेल, पुष्कर गुरुङ, अंशु मानन्धर, कालु राना, टीका भक्त जिरेल, देवेन्द्र बब्लु, शुशील पोखरेललगायतको अभिनय रहेको छ । अधिकारी स्वयंले ‘गणपति’ को कथा लेखेका हुन् ।
