गायक अमृत बराल र गायिका स्वस्तिका ढकालको स्वरमा समावेश ‘म त घुमी घुमी’ बोलको गीत सार्वजनिक भएको छ । यो गीतमा समिर आचार्यको शब्द तथा संगीत छ ।
अष्ट्रेलियामा रहेका गायक, संगीतकार तथा गीतकार समीरले यसमा विशेषगरि यूवा यूवतीबिचको प्रेम र आकर्षणको कुरा गरेका छन् । भिडियोमा मोडलद्धय सुनिल क्षेत्री र सुशिला थापाको अभिनय हेर्न सकिन्छ ।
उनीहरुको प्रेम इट्टाभट्टादेखि मकैबारीसम्म देख्न सकिन्छ । शान थापाको निर्देशनमा तयार भएको भिडियोमा अर्जुन तिवारीको छायांकन, सुप्रिम पराजुलीको सम्पादन, राजीव समरको कोरियोग्राफी छ । भिडियो कलरफूल छ । सुशिला र सुनिलको जोडी भिडियोमा गज्जबले जमेको हेर्न सकिन्छ ।
