नेपालगन्ज – चर्चित मोडल तथा म्यानहन्ट इन्टरनेशनल नेपाल २०११ का उपाधी विजेता निर्जन थापा अभिनित गजल ‘साम से हि दिल’ सर्वजनिक भएको छ ।
सुमन शेखर मानन्धरको स्वर रहेको गजलमा इम्तियाज वफाको शब्द र जनकदीप पराजुलीको निर्देशन रहेको छ ।
‘टि सिरिज रिजनल’ युटुब च्यानल बाट रिलिज गरियको उक्त गजलमा अर्जुन तिवारीको छायांकन रहेको छ भने सुनिल थापा,निर्जन थापा र धरना शर्माको अभिनय रहेको छ ।
गजलको भिडियो आकर्षक बनाउन कर्णाली प्रदेशको पर्यटकिय स्थल रारा ताल, चितवनको सौराहा र काठमाडौंका विभिन्न मनोरम दृश्य समेटिएको निर्माण पक्षले जनाएको छ ।
थुप्रै म्युजिक भिडियोहरुमा अभिनय गरिसकेका मोडेल निर्जन थापाले यो भिडियोमा आफु लगायत आफ्नो सम्पूर्ण टीमले शत प्रतिशत दिएको बताउदै दर्शक स्रोताहरुको माया पाउनेमा आशावादी रहेको बताए।
