आगामी असार ३ लाई प्रदर्शन मिति तोकेको चलचित्र ‘चिसो मान्छे’को ट्रेलर सार्वजनिक भएको छ । पोस्टर रिलिजबाटै प्रतिक्षित चलचित्रको सुचीमा आफुलाई उभ्याएको फिल्मको ट्रेलर नेपाली दर्शकलाई कौतुहल बनाउन सफल देखिन्छ ।
सार्वजनिक ३ मिनेट लामो ट्रेलरमा लिड अभिनेत्री स्वस्तिमा खड्का, अभिनेता अर्पण थापा, देशभक्त खनाल लगायत फिचर्ड छन् । ट्रेलरमा पुर्णतः कर्णाली भेगको भाषा व्यक्त छ । यो वर्षकै प्रतिक्षित र संभावनावान चलचित्रको सुचीमा परेको ‘चिसो मान्छे’मा स्वस्तिमाले पुनः एकपटक आफ्नो उपस्थितिलाई अब्बल देखाएकी छिन् ।
ट्रेलर
अमृत पाण्डेको प्रस्तुति र दिपेन्द्र के खनालको निर्देशनमा बनेको चलचित्रलाई शर्मिला पाण्डेले निर्माण गरेकी हुन् । चलचित्रको छायांकन पनि निर्देशक खनालले नै गरेका हुन् भने सम्पादनमा दिर्घ खड्का छन् ।
माथी उल्लेखित कलाकारसँगै यो चलचित्रमा आशान्त शर्मा, प्रभाकर न्यौपाने, रामबाबु रेग्मी, झकेन बिसी, सञ्जोग रसाईली, पुष्प अवस्थी, श्रृष्टि आचार्य लगायत अभिनयमा छन् ।
