आजबाट रिलिज हुन लागेको चलचित्र ‘कबड्डी ४’ले बक्स अफिसमा बम्पर ओपनिङ गर्ने पक्का देखिएको छ । मल्टिप्लेक्समा उच्च शो पाएको चलचित्रले शुक्रबार आक्रामक व्यापार गर्ने निश्चित जस्तै छ । यो चलचित्रलाई ‘कबड्डी’ सिरिजको फाइनल म्याच बताइएको छ ।
रामबाबु गुरुङ निर्देशित चलचित्रमा दयाहाङ राई, सौगात मल्ल, मिरुना मगर, वुद्दि तामाङ, बिजय बराल लगायतका कलाकारको अभिनय रहेको छ । चलचित्र ‘कबड्डी’ को फाइनल म्याच बासुरी फिल्मस्को प्रस्तुतीमा सुष्मा प्रोडक्सन ग्लोबलसँगको सहकार्यमा निर्माण भएको हो।
