मल्टिस्टारर चलचित्र ‘लाखे’को ‘पैसाको बोट’बोलको गीत सार्वजनिक भएको छ । गीतमा र्यापर भ्योमाको स्वर तथा संगीत छ ।
भिडियो
सम्राट बस्नेत निर्देशित चलचित्र लाखे यही कार्तिक १८ गतेबाट देशव्यापी प्रदर्शन हुँदैछ । एक्सन, सस्पेन्स-थ्रिलर जनरामा आधारित चलचित्रमा सौगात मल्ल, अनुप बिक्रम शाही, अर्पण थापा, आर्यन अधिकारी, वर्षा राउत, रोहित रुम्बा, संजोग राणा, सुशील सिटौला, प्रशान्त ताम्राकार, रक्षा बुढाथोकी, कालु राना, सुगन तण्डुकार, बाल कलाकार सिस्टम भण्डारी लगायतका कलाकारको मुख्य भूमिका रहेको छ ।
सिजन अर्यालको कथा तथा निर्माण रहेको चलचित्रको निर्मातामा डिपी भण्डारी र गणेश मल्ल ठकुरी (जिएम) छन् भने कार्यकारी निर्माता हरि मल्ल ठकुरी हुन् । चलचित्रमा सुजन प्रजापतिको छायांकन, कविराज गहतराजको कोरियोग्राफी, सम्राट बस्नेतको द्वन्द्व निर्देशन, अर्जुन जिसीको सम्पादन, आकाश बरालको पटकथा, अनुप न्यौपाने र आकाश बरालको संवाद लेखन रहेको छ ।
