दीपेन्द्र के खनाल निर्देशित चलचित्र ‘के घर के डेरा’को मौलिक ध्वनि (ओरिजिनल साउण्ड ट्रयाक) सार्वजनिक भएको छ । गीतमा चलचित्रको कथावस्तु झल्किन्छ ।मल्टिस्टारर चलचित्र तिहार छेकोमा कात्तिक ४ गते देखी प्रदर्शन हुँदैछ । ओएसटी गीतमा काठमाडौंमा डेरा लिएर बस्नेले भोग्ने अनेक समस्यालाई व्यक्त गरिएको छ ।
दयाहाङ राई, विपिन कार्की, वर्षा राउत र सुरक्षा पन्त अभिनित चलचित्रमा डेरावाल र घरबेटीको किचलो, हैरानी र दुःखलाई प्रस्तुत गरेको छ । खनाल निर्देशित पशुपतिप्रसाद, चिसो मान्छे, धनपतिले सफल चलचित्र हुन । शरद् श्रेष्ठ, राजीव श्रेष्ठ र किरण महर्जन चलचित्रका निर्माता हुन् ।
