पूनम गौतम निर्मित तथा नवल नेपाल निर्देशित चलचित्र ‘मारुनी’ले अमेरिकामा अवार्ड जितेको छ । अमेरिकाको कोलोराडोमा आयोजना भएको ‘पाँचौ एभरेष्ट नेपाली फिल्म अवार्ड’मा ‘मारुनी’ले उत्कृष्ट फिल्मको अवार्ड जित्न सफल भएको हो । उक्त अवार्ड कार्यक्रमका लागि यसै साता निर्मात्री गौतम अमेरिका पुगेकी थिइन् । अवार्ड हात पारेपछी पुनम भन्छिन् “यो अवार्डले आफूलाई अझ हौसला थपेको छ”। ‘हामी चाँडै अर्को फिल्म बनाउँदैछौं । जुरी, आयोजक र दर्शकबाट पाएको प्रतिक्रियाले काम गर्न थप जोश मिलेको छ ।
चलचित्र ‘मारुनी’ समलिङ्गी प्रेमकथामा निर्माण भएको थियो । समीक्षक र दर्शकबाट राम्रो प्रतिक्रिया पाएको चलचित्रले घरेलू बजारमा व्यापार पनि राम्रै गरेको थियो । चलचित्रमा पुष्प खड्का र साम्राज्ञी राज्यलक्ष्मी शाह मुख्य भूमिकामा थिए ।
पूनम अब ‘मारुनी २’सहित दुई चलचित्र बनाउन योजनमा छिन् । उनका अनुसार, दुवै चलचित्रलाई उनले नै निर्देशन गर्नेछिन् । यतिबेला दुवै चलचित्रको स्क्रिप्टमा काम भइरहेको उनको भनाई छ।
