नेपालगन्ज- करीब १६ वर्षपछि निर्माण भएको चलचित्र ‘आँधी तुफान’ को सिक्वेल हो ‘आँधि तुफान २’ । यही श्रावण २० गतेदेखी प्रदर्शन हुने चलचित्र ‘आँधि तुफान २’ को शिर्ष गीत सार्वजनिक गरिएको छ । सार्वजनिक गीतमा सुरेश अधिकारीको संगीत तथा हरी उप्रेतीको शब्द रचाना रहेको गीतमा सुवानी मोक्तानको स्वर छ । गीतमा अभिनेत्री आरती आचार्य, यांशु श्रेष्ठ र सोनी बिसीलाई बोल्ड अवतारमा प्रस्तुत गरिएको छ । ‘आँधी तुफान–२’ लाई मौनता श्रेष्ठले निर्माण गरेका छन् भने चलचित्रमा कथा पनि उनकै रहेको छ ।
चलचित्रमा कनिजका कोइराला, आरती आचार्य, याङ्सु श्रेष्ठ, सन्जित भण्डारी, रवि गिरी, ध्रुव कोइराला, सञ्जय खतिवडा, पुष्कर राउत, सिवन लामा, राजाराम गौतम, गोकुल सुवेदी लगायतका कलाकारहरूको अभिनय रहेको छ ।चक्रबहादुर मगर निर्माता रहेको थ्रीलर र सस्पेन्स चलचित्रमा रामशरण उप्रेतीको छायाँकन,प्रेम चुल्ठेको एक्सन , दिनेश सुवेदीका गीत,रानी शाक्यको स्वर र कमल राईको नृत्य रहेको छ । १६ वर्षपछि ‘आँधी तुफान’ को सिक्वेल निर्माण भएको हो ।
