फिल्म ‘प्रकाश’को टिजर सार्वजनिक भएको छ । नायक प्रदिप खड्का र अभिनेत्री दिया मास्के प्रस्तुत टिजरले दर्शकलाई कौतुहलता जगाउन सक्छ । दिनेश राउत निर्देशित प्रकाश ले एक युवाले शिक्षक बन्न गर्ने संघर्षको कथा प्रस्तुत गरेको छ । टिजर :
‘प्रकाश’को टिजर मा जनयुद्धमा सहभागी बेपत्ता योद्धाको परिवारको कथा देखाएको बुझ्न सकिन्छ । जहाँ आमा र छोराको इमोशन प्रस्तुत गरिएको छ । टिजरको पृष्ठभुमिमा बज्ने कर्णालिको लोक भाकाले त्यहाँको परिवेशसँग नजिक बनाएको छ । जुम्लामा छायाँकन भएको फिल्मले त्यहाँको परिवेशलाई टिपेको छ । फिल्ममा प्रदिप र दियाका अलवा रेनु योगी, प्रकाश घिमिरे, निरज पन्थी, गोविन्द सुनुवार, रामबाबु रेग्मी, लोकेन्द्र लेखक, दिपेन्द्र शाही लगायतका कलाकारको अभिनय रहेको छ । लेखन विकास सुवेदीले गरेका हुन् । फिल्म भदौ १० गतेबाट प्रदर्शन हुँदैछ ।
