नेपालगन्ज – चलचित्र ‘हेल्लो जिन्दगी’को फस्र्टलुक पोस्टर सार्वजनीक भएको छ। एभरेष्ट सूर्य बोहराद्धारा लिखित, निर्देशीत चलचित्र आगामी चैत्र ११ गते अर्थात् २५ मार्च, २०२२ मा देशब्यापी प्रदर्शनमा आउनेछ ।
सत्य घटनामा आधारित सामाजीक कथानक चलचित्र बिक्रम डि.जोशी, प्रियंका कार्की, दीपीका प्रसाईं, एभरेष्ट सूर्य बोहरा, विल्सन बिक्रम राई, बिक्रान्त बस्नेत, सबिता गुरुङ, सनमकुमार बैराग, जानकी पन्त (जुन),ध्रुव दत्त, कुमुद पन्त लगायतका कलाकारले अभिनय गरेका छन् ।
युके र नेपालमा छायांकन गरिएको चलचित्रको निर्मातामा हिराल जोशी र बिक्रम डि जोशी छन् । सृजना जोशी महर्जन कार्यकारी निर्माता रहेको चलचित्रको कथा निर्देशक बोहरा र बिक्रम डि जोशीको हो भने पटकथा र सम्वादमा निर्देशक बोहरालाई अभिमन्यु निरवीले साथ दिएका छन् । निर्देशक बोहराकै शब्द रहेको चलचित्रमा राजनराज शिवाकोटी र एलिस कार्कीको संगीत छ ।
