नेपालगन्ज-चैत्र २७ गतेबाट प्रदर्शन हुने चलचित्र ‘लप्पन छप्पन २’को ट्रेलर सार्वजनिक भएको छ । मुकुन्द भट्टको निर्माण तथा निर्देशन रहेको चलचित्रमा शिव श्रेष्ठ, सौगात मल्ल, अर्पण थापा, अनुपविक्रम शाही, प्रकाश कुँवर, स्व .दीपक क्षेत्री, सरिता गिरी, एञ्जल श्रेष्ठ, अनिल खनाल, राजेन्द्र विष्टलगायतका कलाकारको अभिनय छ ।
ट्रेलर
खिलेन्द्रराज तिमसिनाको प्रस्तुति रहेको ‘लप्पन छप्पन २’बाट शक्ति श्रेष्ठ, केरोलिन कोलिन्डा, सुपर गुरुङ, आना ढकाल, सृजना सिना, रन्जीत वन्त लगायतले अभिनयमा डेब्यु गर्दैछन् । चलचित्रको पटकथा र संवाद निर्देशक भट्ट र सुनिल नेउरेले लेखेका हुन् । पुरुषोत्तम प्रधानले खिचेको चलचित्रमा शम्भुजित बाँस्कोटा, राजेन्द्र भट्ट,दीपक आरजे र बुलेट फ्लोको संगीत रहेको छ । चलचित्रमा किङ योगी र दिलिप ओकेडाको कोरियोग्राफी छ भने हिमाल केसीसहित निर्देशक भट्टले एक्सन, निरज केसीले साउण्ड र मिलन श्रेष्ठले सम्पादनमा काम गरेका छन् ।
