नेपालगन्ज-अभिनेत्री शिल्पा पोखरेलको डेब्यु भोजपुरी चलचित्र ‘जय शम्भु’को ट्रेलर सार्वजनिक भएको छ । चलचित्रमा शिल्पाको जोडी भोजपुरी स्टार प्रदीप पाण्डे चिन्टुसँग बाँधिएको छ । सार्वजनिक ट्रेलरमा शिल्पाको भूमिका सस्पेन्स राखिएको छ । निर्माण पक्षले शिल्पाको संवाद विहिन केहि झलक मात्र प्रस्तुत गरेको छ ।
ट्रेलर
चलचित्रमा प्रदीप र शिल्पासँगै सोनु खत्री, देव सिंह, धुर्व कोइराला, अनुप अरोरा, अकंक्षा दुबे र कालु रानालगायतका कलाकारको अभिनय छ । रिलिज डेट तय नभएको चलचित्र ‘जय शम्भु’लाई सोनु खत्रीले निर्माण एवं निर्देशन गरेका हुन् ।जुन भारत र नेपालका विभिन्न सुन्दर लोकेशनमा छायांकन गरिएको छ ।
श्री श्रेष्ठको द्धन्द्व निर्देशन रहेको चलचित्रमा रमेश बोगटीको कथा, उमालाल यादवको पटकथा र वीरु ठाकुरको संवाद छ । रमेश बोगटी जय शम्भुका क्रियटिभ निर्देशक समेत हुन् । उनले यसअघि ‘किन गरे माया’ नामक नेपाली चलचित्र निर्देशन गरेका थिए । शिल्पा अभिनित नेपाली चलचित्र‘आर्या’ र अर्को भोजपुरी चलचित्र ‘प्रेमगीत २’ पनि प्रदर्शनको तयारीमा छन् ।
