नेपालगन्ज- बहु चर्चित चलचित्र लेखक मौनता श्रेष्ठको २०६२ सालमा प्रदर्शन भएको सुपरहिट चलचित्र ‘आँधी तुफान ‘ काे सिक्वेल ‘आँधी तुफान २’ निर्माण घोषणा भएको छ । बिहिबार राजधानीमा आयोजित एक कार्यक्रमका बीच निर्माण कम्पनिले आँधी तुफानको सिक्वेल निर्माण घोषणा गरेको हो । चलचित्रका निर्माता मौनता श्रेष्ठ हुन् । मौनताले १२५ बढि नेपाली चलचित्र लेखेका छन् ।
मदन घिमिरे निर्देशक रहने चलचित्रमा आरती आचार्य, याङ्सु श्रेष्ठ, मुकुन्द थापा, ध्रुर्व कोईराल, कनिज कोईराला, संजय खतिवडा, पुस्कर राउत, सिवन लामा, राजाराम गौतम, गोकुल सवेदी, पुनम गौतम, सान, अधिकारी, सोनी बिसी, जोया बुढाथोकी, रुपा केसी, सरोज दाहाल, बिन्दीया ठकुरी, रमेश तामाङ र बालकलाकार अरुण कालीराज लगायतको अभिनय रहनेछ ।
घोषणा कार्यक्रममा चलचित्र निर्माता संघका महासचिव रोज राणा, वितरक निर्माता गोपाल कायस्था, निर्माता तथा चलचित्र बितरक सुशिल पोखरेललगायतले चलचित्रको निर्माण सफलताका लागि शुभकामना दिए । थ्रिलर र सस्पेन्स विषयमा भरपुर नारी एक्सन समेटिएर चलचित्र निर्माण हुन लागेको निर्देशक मदन घिमिरेले जानकारी दिए ।
आगामी चैत्रको पहिलो साताबाट छायाँकनमा जाने चलचित्रमा रामशरण उप्रेतीको छायाँकन, प्रेम चुल्ठेको एक्सन, सुरेश अधिकारीको संगीत, हरि उप्रेती र दिनेश सुवेदीका गीत, रानी शाक्यको स्वर, कमल राईको नृत्य निर्देशन रहनेछ । चित्रभित्र सँग कुर गर्दै मौनताले हिजोका दिनमा पाएको माया साथ सहयोगले चलचित्र निर्माण गर्ने र लेख्न अझै जोस जागर चलेको बताए । बिगतका दिनहरु जस्तै साथ र सहयोग आउने दिनमा पनि पाउने आशा गर्दै राम्रो चलचित्र निर्माण हुने मौनताको भनाई छ ।
