चलचित्र ‘प्रसाद २’ मा निश्चल बस्नेत अनुबन्धित भएका छन् । सुभाष थापाको निर्माणमा बन्ने चलचित्रलाई सौरभ चौधरीले निर्देशन गर्दैछन् । चलचित्रकालागी विपिन कार्की र नम्रता श्रेष्ठ पहिलै अनुबन्धित भएका थिए भने हालै निश्चलले निर्माण टिमसँग औपचारिक सम्झौता गरेका छन् ।
दिनेश राउतले निर्देशन गरेको चलचित्र ‘प्रसाद’मा विपिन, नम्रता र निश्चलको अभिनय रहेको थियो जुन बक्स अफिसमा हिट साबित भयो । ‘प्रसाद २’ मा निर्देशक फेरिएपनि कलाकार भने नफेरिने भएका छन् । यो चलचित्रको कथा सञ्चारकर्मी सुशिल पौडेलले लेखेका छन् । ‘प्रसाद’को कथा पनि उनले नै लेखेका थिए । चैत्रको दोस्रो साताबाट छायांकनमा जाने ४५ दिनको सेड्युल राखिएको चलचित्रलाई बाग्लुङमा छायांकन गरिने छ ।