अहिलेका ब्यस्त अभिनेता पल शाह नयाँ चलचित्र ‘सत्यत्म्’मा अनुबन्धित भएका छन् । चलचित्रलाई शंकर कार्कीले निर्देशन गर्नेछन् । पलले हालै निर्माण टिमसँग औपचारिक सम्झौता गरेका छन् । तर, उनको भुमिका भने गोप्य राखिएको छ । चलचित्रमा महानायक राजेश हमाल र अनुप विक्रम शाहीले काम गर्ने पक्का भइसकेको छ । ‘सत्यत्म्’ मार्फत अभिनेता हमाल ४ वर्षपछि कमब्याक गर्दैछन् ।
रेशम सापकोटाको कथा तथा निर्माण रहने चलचित्र चैतबाट फ्लोरमा जाने छ । बिदुर पाण्डेको डिओपी, अष्टमान महर्जनको द्वन्द्व निर्देशन, कुटुम्ब ब्याण्डसँगै योगेश काजी र गणेश पौडेलको संगीत रहने चलचित्रमा रेशम सापकोटा र बिष्णु निरिशले गीत लेखेका छन् ।
