बलिउड अभिनेता रनवीर कपूरका काका राजिव कपूरको निधन भएको छ । ५८ वर्षको उमेरमा उनको ह्रदयघातबाट मंगलबार निधन भएको हो । उनले भाई रणधीर कपूर र ऋषि कपूर अभिनित फिल्म ‘एक जान है हम’बाट बलिउडमा डेब्यू गरेका थिए । ‘राम तेरी गंगा मैली’का साथै ‘प्रेम ग्रन्थ’ नामक फिल्म निर्देशन समेत गरेका थिए ।
ऋषि कपूरकी धर्मपत्नी नीतु सिंहले इन्स्टाग्राममार्फत राजिवको निधन भएको खबर पुष्टि गरेकी हुन् । उनले राजिवको तस्बिर पोस्ट गर्दै हार्दिक श्रद्धाञ्जली लेखेकी छिन् । आसमान, लभर ब्वाइ, जबरजस्त, हम तो चले परदेश जस्ता फिल्ममा अभिनय गरेका राजिवको अन्तिम फिल्म जमिनदार हो । गत वर्ष अभिनेता ऋषि कपूरको पनि क्यान्सरका कारण निधन भएको थियो ।
