नेपाली कथानक चलचित्र ‘द रेड जोन’ को छायांकन सुरु भएको छ । हिजो नेपालगन्जको बागेश्वरी मन्दिरमा शुभ मुर्हत गर्दै चलचित्रको छायांकन सुरु भएको हो । ट्राफिक नियम उलंघन गर्दा घट्ने घटना लाई कसरी न्यूनीकरण गर्न सकिन्छ भन्ने बारे सन्देश चलचित्र मार्फत दर्शकलाई देखाउन खोजिएको छ ।
चलचित्रमा किशोर खतिवडा,खगेन्द्र नेपाल,दिपक थापा ,कमला नेपाली,हेमराज धर्ति,सिर्जना कार्की,नेत्र विष्ट,सुमन गौतम,धर्मराज भण्डारी,बर्षा श्रेष्ठ लगायतका कलाकारको अभिनय रहने छ ।
रामजी लामिछाने , राजन मर्हजन र नवराज सुवेदीको नृत्य निर्देशन रहने चलचित्रमा देव महर्जनको द्धन्द्ध , सुजन विश्वकर्माको छायांकन रहने छ । चलचित्रमा सुजन गौत्तमको कथा , यज्ञजंग विश्वकर्मा ( आयुष )को पटकथा तथा निर्देशक , नेत्र विष्टको प्रेडक्सन , शंकर अधिकारी घायल र सुन्दर पन्तको गीत र ज्ञानेन्द्र गिरीको संगीतमा चलचित्रको गीत निमार्ण हुने भएको छ । चलचित्रलाई तारा थापा किम्भेले सम्पादन गर्ने छन ।
