लोकप्रिय सञ्चारकर्मी नरेश भट्टराई अभिनित नयाँ म्युजिक भिडियो सार्वजनिक भएको छ । ‘नबोली जित्छौँ तिमी’ बोलको निर्मित भिडियोमा नरेशसँगै करुणा श्रेष्ठको अभिनय रहेको छ । यी दुइको प्रेम भावलाई भिडियोमा देखाइएको छ । व्यक्त नगरिएको प्रेमको प्रतिकमा बनाइएको भिडियोमा मायामा नबोली व्यक्त गरिने भाव समेटिएको हो ।
सार्वजनिक गीतमा होम न्यौपानेको शब्द , दीपक भट्टराईको संगीत रहेको छ भने यसलाई कुमार दवाडीले गाएका छन् । कुमार क्रियशन युट्युब च्यानलमार्फत सार्वजनिक गरिएको भिडियोलाई दर्शक मार्फत सकारात्मक प्रतिक्रिया प्राप्त छ । भिडियोमा सागर प्रधानको छायाँकन, विकास दाहालको सम्पादन र युवराज वाइवाको निर्देशन रहेको छ ।
