अभिनेता प्रदीप खड्का र अभिनेत्री क्रिस्टिना गुरुङको मुख्य भूमिका रहेको चलचित्र प्रेम गीत -३ १ रुपैयाँमै हेर्न पाइने भएको छ ।
नेपाल टेलिकमको प्लेटफममार्फत एनटीटीभी एपमा १ रुपैयाँमै यो चलचित्र हेर्न पाइने भएको हो ।
पुस १३ गते शनिबार एक दिन सबै चलचित्र प्रेमीहरूले साथीभाइका साथै परिवारसँग बसेर १ रुपैयाँमै फिल्म हेर्न सक्ने व्यवस्था मिलाएकाले सो मौका नगुमाउन टेलिकमले फेसबुकपेजमार्फत अनुरोध गरेको छ ।
छेतेन गुरुङ र सन्तोष सेनले निर्देशन गरेको यो चलचित्रमा प्रदीप खड्का, क्रिस्टिना गुरुङ, मनिष राउत, शिव श्रेष्ठ, प्रेम पुरी र सुनिल थापाको अभिनय छ ।
