चलचित्र ‘बेहुली फ्रम मेघौली’को टिजर सार्वजनिक,स्वस्तिमालाई बेहुलो खोज्नेको होडबाजी

नेपालगन्ज, चलचित्र ‘बेहुली फ्रम मेघौली’को टिजर सार्वजनिक भएको छ । सार्वजनिक टिजरमा अभिनेत्री स्वस्तिमा खड्कालाई बिहेको लागि केटा खोज्नेको होडबाजी चलेको देखिन्छ । चलचित्रको टिजर रमाइलो बनेको छ । चलचित्रमा समाबेश सम्वादले दर्शकलाई पेट मिचीमिची हसाउने पक्का छ ।

चलचित्रको यसअघि सार्वजनिक गीत ‘छड्के सलाम’लाई दर्शकले मन पराएका छन् । दशैंको घटस्थापना अर्थात् असोज १७ गतेबाट प्रदर्शनमा आउन लागेको चलचित्र ‘बेहुली फ्रम मेघौली’निश्चल बस्नेत,स्वस्तिमा खड्का , बसुन्धरा भुषाल, बिजय बराल, सिमरन खड्का, लोकेन्द्र लेखक, रक्षा थापा, सिरु बिष्ट, आमिर गौतम, शिशिर सिवाकोटी, टीका पहारी, प्रभाकर शर्मा, लुनिभा तुलाधर, मुकुन्द मैनाली र रामबाबु रेग्मीको अभिनय रहेको छ ।

ब्ल्याक हर्स पिक्चर्स र मेघौली फिल्मस्को ब्यानरमा निर्माण भएको यस चलचित्रमा साजन काफ्ले र आकाश बरालको लेखन तथा निर्देशन रहेको छ । यो उनीहरुको डेव्यु निर्देशकिय चलचित्र हो । अभिनेत्री स्वस्तिमा खड्कालाई निर्माणमा निर्देशक तथा श्रीमान निश्चल बस्नेतले सघाएका छन् । चलचित्रका कार्यकारी निर्माता फिरोज खड्का र शंकर पाण्डे हुन् । अभिनेता विजय बराल कास्टिङ डिरेक्टर रहेको सिनेमामा नरेन्द्र मैनालीको छायांकन, प्रदीप लामा र केवीका खत्रीको कोरियोग्रफी, जयन जे वाइवा र कुशल पोखरेलको संगीत, निमेष श्रेष्ठको सम्पादन,रहेको छ ।