नेपालगन्ज,चलचित्र ‘पुजार सार्की’ को ट्रेलर सार्वजनिक भएको छ । मंगलवार काठमाडौंमा एक कार्यक्रमको आयोजना गर्दै कारीब ४ मिनेट लामो ट्रेलर सार्वजनिक गरिएको छ। ट्रेलर सार्वजनिक कार्यक्रममा अभिनेता पल शाहबाहेक लगभग सबै सबै कलाकार तथा प्राविधिकहरु उपस्थित रहेको थियो । ट्रेलर हेर्दा चलचित्रले अन्तर जातीय प्रेम,विवाह, छुवाछुत, भेदभाव को कथा बोलेको छ। भने समाजमा गरिने जातीय विभेदविरुद्ध समाजका तीन पात्रहरूले गर्ने साझा सङ्घर्षको कथा ट्रेलरमा देख्न सकिन्छ।
ट्रेलर
दिनेश राउतको निर्देशनमा तयार भनेको चलचित्रलाई विकास सुवेदीले लेखेका हुन् । चलचित्रमा आर्यन सिक्देल , प्रदिप खड्का , पल शाह,अञ्जना बराइली,परीक्षा लिम्बु,मोहन निरौला, लोकेन्द्र लेखक, सुवास गजुरेल, विद्या कार्की, तारा शर्मा, शङ्कर आचार्य, प्रेम सुब्बा, गोविन्द रमण पराजुली, राजेश बिसुराल लगायत कलाकारको अभिनय रहेको छ ।
जेठ १० गते बुद्ध पूर्णिकाको दिनदेखि प्रदर्शनमा आउने चलचित्रलाई सङ्गीतकार सुवास भुसालले निर्माण गरेका हुन् । चलचित्रमा भुसालकै संगीत निर्देशन छ । राजेश श्रेष्ठको डिओपी रहेको चलचित्रमा सुप्रिम पराजुलीले सम्पादन तथा कलर ग्रेडिङ गरेका छन् ।
