नेपालगन्ज,चलचित्र मनसराको ‘एक तार मनको’ बोलको गीत सार्वजनिक भएको छ। सार्वजनिक गीतमा हर्क साउदको शब्दमा सुशान्त गौतमको स्वर तथा संगीत रहेको छ ।
गीतको भिडियोमा ‘दधिराम पोखरेल’ पात्रमा अभिनय गरेका प्रविण खतिवडा र ‘तान्छो’को भूमिकामा बाल कलाकार नेनाहाङ राईमाथि फिल्माइएको छ ।
करिब साढे दुई मिनेट लामो गीतमा सन्तान सुख भोग्नबाट बञ्चित दधिरामलाई ‘तान्छो’सँगको निकटतालाई प्रस्तुत गरिएको छ । गीतले यिनै भावहरुलाई पस्किएको छ। चलचित्रमा नेनाहाङ अभिनेत्री मिरुना मगरका छोरा बनेका छन् ।
हाल प्रदर्शनरत यो चलचित्रले दर्शकसँगै समीक्षकहरुबाट पनि तारिफ बटुलिरहेको छ । उपेन्द्र सुब्बा निर्देशित चलचित्रमा प्रविण, मिरुनाका अलावा मेनुका प्रधान तथा दयाहाङ राईको प्रमुख भूमिका रहेको छ ।
