नेपालगन्ज, यहि फागुन १८ गतेबाट देशभर प्रदर्शनको तयारीमा रहेको चलचित्र ‘अगस्त्य’को अफिसियल ट्रेलर सार्वजनिक भनेको छ। बिहिबार पत्रकार सम्मेलन गर्दै निर्माण टिमले चलचित्रको ट्रेलर सार्वजनिक गरेको हो। चलचित्रको यस अघि पोस्टर र टिजर सार्वजनिक भैसकेको छ जस्ले यो चलचित्र आम दर्शक माझ प्रतिक्षित बनेको छ।
सार्वजनिक ट्रेलरमा चलचित्र मुख्य कलाकारहरु सौगात मल्ल, निश्चल बस्नेत, नाजिर हुसेन, प्रमोद अग्रहरी, मलिका महतलाई देख्न सकिन्छ। भने चलचित्रमा बेन बस्नेत, विजय बराल, रविन्द्र झा, शिशिर वाङ्देल, सिम्रन खड्का, प्रकाश दाहाल, प्रदीप ढकाल, गजेन्द्र त्रिपाठी, सचिन चन्द्रलगायतका कलाकारहरुको पनि अभिनय रहेको छ ।
सौरभ चौधरीको लेखन तथा निर्देशन रहेको चलचित्रमा सञ्जय लामाको छायाङ्कन, मनोज श्रेष्ठको भीएफएक्स, कविराज गहतराजको कोरियोग्राफी, सौरभ शर्मा, भास्कर स्वारको पाश्र्व संगीत, सुप्रिम पराजुलीको कलर छ ।
डार्क हर्स इन्टरटेनमेन्ट र सेभेन सिज इन्टरटेनमेन्टको प्रस्तुती रहेको फिल्ममा प्रकाश मल्ल, अनिश तामाङ, विनोद पौडेल निर्माता, तथा विश्व गौचन, अभिषेक चौधरी कार्यकारी निर्माता छन् ।
