नेपालगन्ज, गायक प्रताप दासको स्वरमा रहेको गीत ‘चाहन्छु ५’ सार्वजनिक भएको छ । गीतमा सरोज पोखरेलको शब्द र संगीत, देवेश राईको एरेन्ज तथा किशोर थापाको मिक्सिङ तथा मास्टरिङ छ ।
सरोजकै प्रस्तुति रहेको यो गीतको भिडियोमा बरुण अधिकारी र कुसुम शर्मा फिचर्ड छन् । अंग्रेजी नयाँ वर्ष २०२४ को अवसरमा सार्वजनिक रोमान्टिक फ्लेभरको यो गीतमा वरुण र कुसुमको जोडी निकै जमेको छ ।
ए वान म्यूजिसियनमा रेकर्ड गरिएको गीतमा रत्न बिकको फ्लयुट र राजेश श्रेष्ठको रेकर्डिङ छ । साजन कट्टेलको निर्देशनमा बनेको म्युजिक भिडियोमा पुनम चौधरीको मेकअप, दिनेश पराजुलीको छायांकन, राकेश दाहालको सम्पादन र सरोज पोखरेलको कन्सेप्ट छ ।
