नेपालगन्ज, गत शुक्रबारबाट प्रदर्शनमा आएको चलचित्र दुई कदमका मुख्य कलाकार अभिनेता इओन लिम्बु र अभिनेत्री सिमोन गिरी दर्शक साक्षात्कार गर्न नेपालगञ्ज पुगेका छन् । उनीहरु दुवैको चलचित्र दुई कदम डेव्यु चलचित्र हो।
डेव्यु अभिनेत्री सिनोमको नेपालगन्ज गृह नगर पनि हो । त्यसैले पनि उनी परिवार तथा नेपालगञ्ज बासीसँग डेव्यु चलचित्रको खुशी साट्न नेपालगन्ज आईपुगेकी हुन् । उनीसँग संगै बसेर चलचित्र हेर्न पाउँदा दर्शक तथा उनको परिवार खुशी देखिन्छन् । चलचित्र हेरेपछि नेपालगञ्ज बासीले सिमोन र इओनको अभिनयको प्रशंसा समेत गरेका छन् । दर्शकको प्रतिकृया पछी दुबैले आगामी दिनमा अझै धेरै राम्रो काम गर्ने उर्जा समेत मिलेको बताए । परिवार र दर्शक संगै दुबैले सिनेमाघर सिने रोयलमा चलचित्र हेरेका थिए।
उदय सुब्बा निर्देशित चलचित्रमा इओन र सिमोनका अलावा गौरव पहारी, विमला लिम्बु, सुनिल थापा, कविता आले, सुरवीर पन्डित, प्रेम सुब्बा, बुद्धि तामाङ, अर्जुन गुरुङ, जीवन लिम्बु, चन्दा दाहाल, प्रितिका शर्मा आदिको पनि अभिनय छ ।
चलचित्रको एक गीतमा विल्सन विक्रम राई, वर्षा सिवाकोटी र गीता ढुंगानाले पनि नृत्य गरेका छन् । अजम्बरी फिल्मस्को ब्यानरमा निर्माण भएको चलचित्रमा तारा देवी लिम्बुको लगानी छ । पूर्वको धनकुटा, तेह्रथुमको वसन्तपुर, इलाम, झापा र धरानमा खिचिएको सिनेमाको एक गीत मुस्ताङमा छायांकन गरिएको थियो ।
विक्रम डिसीको छायांकन, दयाराम घिमिरेको कथा तथा पटकथा, ताराप्रकाश लिम्बु, विकास चौधरी र आशिष अविरलको संगीत, डिपी खनालको गीत लेखन, रामजी लामिछानेको कोरियोग्राफी, राजु किराँतीको द्वन्द्व निर्देशन र प्रविन ढकालको सम्पादन छ । सिनेमालाई रिच इन्टरटेनमेन्ट र एफडी कम्पनिले वितरण गर्दैछन् ।
