नेपालगन्ज- निर्देशक शोभित बस्नेत प्रस्तुतकर्ता रहको चलचित्र ‘जय हो’को १ मिनेट १४ सेकेन्डको टिजर सार्वजनिक गरिएको छ । चलचित्र बिदेश र नेपालमा आगामी भाद्र ८ अर्थात अगष्ट २५ मा एकसाथ प्रदर्शनमा आउँदै छ ।
टेक पौरखी राईको निर्देशन निर्माण भएको चलचित्रमा अर्पण थापा, सलोन बस्नेत, केकी अधिकारी, निशा अधिकारी, माओत्से गुरुङ, प्रेम पाण्डे, दिपा शाक्य श्रेष्ठ, सुबि मगर, सुमिन गुरुङ, सुशान्त श्रेष्ठ लगायतका कलाकारको अभिनय रहेको छ ।
सम्राट बस्नेत द्धन्द्व निर्देशन, कविराज गहतराज र रामजी लमिछानेको कोरियोग्राफी, बनिश शाहको सम्पादन, समीर मियाँको भिएफएक्स र केबलमान सिङ बस्नेत प्रोडक्सन डिजाइनर रहेको चलचित्रका मुख्य सहायक निर्देशक दिप्तप्रकाश अधिकारी हुन् ।
मुस्ताङका विभिन्न रमणीय स्थानलाई देखाइको चलचित्रमा सुरेश न्यौपानेको कथा लेखन, सौरभ लामाको छायांकन, शम्भुजित बाँस्कोटा र सागर आले मगरको संगीत छ । कमेडी, एक्सन र लभस्टोरीको समिश्रण रहेको चलचित्रका निर्माता राज के अधिकारी र सुरज सरकार हुन् ।
सलोन सलिना फिल्म्सको व्यानरमा निर्माण भएको चलचित्रको सार्वजनिक पोस्टरले दर्शकबाट राम्रो प्रतिक्रिया पाएको थियो । पोस्टरले दर्शकमा बढाएको कौतुहल्ता सार्वजनिक टिजरले अझै बढाउने विश्वास निर्माण टिमले लिएको छ । चलचित्रलाई जिजिए ग्रुपले वितरण गर्दैछ ।
