अनिता पण्डितद्वारा निर्देशित चलचित्र ‘मीराः स्याडो अफ अ रेन्बो’को गीत सार्वजनिक गरिएको छ । ‘मेरो विश्वास’ बोलको रोमान्टिक भावको गीतमा प्रविशा अधिकारीको स्वर, एलिस कार्कीको संगीत तथा पवित्रा घिमिरेको शब्द रचना रहेको छ । चलचित्रका मुख्य अभिनेत्रीद्वय सुरविना कार्की र अनिता पण्डित प्रस्तुत गीतमा ट्रान्सजेन्डर महिलाबीचको प्रेम सम्बन्धलाई देखाउन खोजिएको छ ।
एक बच्चामा देखिएको अस्वभाविक सजग मानसिक स्थिति (अटिजम)को समस्या र कसैसँगको व्यक्तिगत सम्बन्धलाई समाजमा देखाउन खोज्ने एक आमाको संघर्षपूर्ण कथामा बनेको चलचित्रमा निशान चौहान, कैलाश रावल, रोशनी कार्की र बाल कलाकार आश्वि घिमिरेको पनि अभिनय छ । अनिल कटुवालको छायांकन रहेको चलचित्रका निर्माता विशाल घिमिरे र अनिता पण्डित हुन् ।
अनिता पण्डितद्वारा निर्देशित चलचित्रलाई उनी स्वयमले लेखेकी हुन । आश्वि फिल्म्सको ब्यानरमा निर्माण भएको चलचित्रको प्रदर्शन मिति भने अझै घोषणा गरिएको छैन ।
