नेपालगन्ज – चलचित्र ‘छक्का पञ्जा ४’ ले यतिबेला देशभरीका हलहरुमा आक्रमक ब्यापार गरेको छ । हिजो शुक्रबार बाट प्रदर्शनमा आएको चलचित्रले बिहानका केही शो हरुमा ५०% देखि ६०% को अकुपेन्सी गरेता पनि दिउँसोदेखि अधिकांश हलहरुमा हाउसफूलको व्यापार गरेको थियो ।
नेपालगन्जको हकमा भने चलचित्रले हिजो हाउसफुल नजिक र हाउसफुलको व्यापार गरेको थियो । प्रदर्शनको दोश्रो दिन आजको देखाइएको ६ शो मध्य ५ वटा शो हरु हाउसफुल भएकोछ भने यो समाचार तयार पार्दा सम्म रात्री शो पनि आउसफुल हुने अनुमान रहेको हलका म्यानेजर सन्जिब शाक्यले बताए। शाक्यका अनुसर चलचित्र हेर्ने सबैले चलचित्र राम्रो र रमाइलो बनेको बताए ।
हिजो र आजको ब्यापार हेर्दा नेपालगन्जमा मात्रै चलचित्रले १० लाख भन्दा माथीको ब्यापार गरेको छ अनुमान छ । दिपकराज गिरी र दिपाश्री निरौला निर्मित चलचित्र ‘छक्का पञ्जा ४’ लाई दर्शकको सकारात्मक प्रतिक्रिया मिलेको छ । देशभरीका हलमा युवादेखि वृद्धवृद्धाको उपस्थिति बाक्लो छ । दर्शकले चलचित्र र चलचित्रमा समाबेश सम्बादलाई खुलेर इन्जोय गरेका छन ।
दिपकराज गिरी, दिपाश्री निरौला, केदार घिमिरे, बेनिशा हमाल, राज आचार्य, नीर शाह लगायतका कलाकारको अभिनय रहेको छ । चलचित्रलाई निर्देशक हेमराज विसीले निर्देशन गरेका हुन् ।
