‘हात्तीछाप’मा सौगात मल्ल पनि अनुबन्धित

काठमाडौं । अभिनेता सौगात मल्ल चलचित्र  ‘हात्तीछाप’मा अनुबन्धित भएका छन् । सौगात र निर्माताबीच आज  आइतबार लिखित सम्झौता भएको हो । सौगात अघि मुख्य भूमिकामा दयाहाङ राई पनि अनुबन्धित भइसकेका छन् । चलचित्रमा  दयाहाङ र सौगातको समानान्तर भूमिका हुने निर्माता किरण नेपालीले जानकारी दिए ।
सौगात र दयाहाङलाई पछिल्लो समय सफल चलचित्र  ‘दुई नम्बरी’मा  प्रमुख भूमिकामा देखिएका थिए । चलचित्रकालागि अन्य बाँकी कलाकार चाँडै फाइनल हुने निर्माता नेपालीले जानकारी दिए । सिमोस सुनुवारले निर्देशन गर्ने चलचित्र  चैत्रदेखि छायांकनमा जाने तयारीमा छ ।