चलचित्र ‘महापुरुष’मा समावेश बेमौसम बोलको गीत सार्वजनिक गरिएको छ । एसडि योगीको संगीत रहेको गीतमा योगी र रेश्मा पुनको स्वर छ । शब्द राम अबिरल विष्टले लेखेका छन् ।
भिडियो हेर्नुहोस् :
बिबेक रसाइली निर्देशित गीतमा अभिनेता हरिवंश आचार्य, अभिनेत्री गौरी मल्ल, नव-नायक अरुण कार्की र नव नायिका अञ्जना बराली रोमान्टिक रुपमा प्रस्तुत भएका छन् । कोरियोग्राफी प्रोमोद के.भण्डारीले गरेका हुन् । ‘महापुरुष’ कात्तिक ११ गतेबाट प्रदर्शनमा आउँदैछ । षट्कोण आर्टस्को प्रस्तुती रहेको चलचित्र ‘महापुरुष’लाई प्रदीप भट्टराईले निर्देशन गरेका हुन् । चलचित्रमा हरिवंश आचार्य, मदनकृष्ण श्रेष्ठ, गौरी मल्ल, अरुण क्षेत्री, अञ्जना बराइली, राजाराम पौडेल, शिरु विष्ट, कोपिला थापा लगायत कलाकारहरुको अभिनय छ ।
