भाद्र ३ गते भोली श्रीकृष्ण जन्मअष्टमीको अवसर पारेर चलचित्र ‘कृष्णलीला’ प्रदर्शनमा आउँदैछ। पुष्प खड्का र श्रद्धा क्षेत्री मुख्य भूमिकामा रहेको चलचित्रको निर्माण टिमले रिलिज मिति नजिकिदै गर्दा नयाँ पोष्टर सार्वजनिक गरेको छ। सार्वजनिक पोष्टरमा दुवैलाई कृष्ण र राधाको अवतारमा देख्न सकिन्छ।
दिपक ओली निर्देशित चलचित्र आरआर फिल्मस् प्रोडक्शनको ब्यानरमा रोहित कट्टेलको प्रस्तुति रहेको चलचित्रको कार्यकारी निर्माता रत्न श्रेष्ठ हुन् । लक्ष्मण सुवेदी लिखित चलचित्रमा पुष्प,श्रद्धा,बुद्धि,रबिन्द्रका साथमा हिउँवाला गौतम,भावना गुरुङ,नवीन रेग्मी तथा बालकलाकार आयुष गुरागाईँले अभिनय गरेका छन् । प्रकाशराज कार्की र केवल तामाङ निर्माता तथा पिताम्बर आचार्य र रोजन श्रेष्ठ सहनिर्माता रहेको चलचित्रका गीतमा रामजी लामीछाने र माइकल चन्दको कोरियोग्राफी छ ।
अर्जुन पोखरेल र बाबुल गिरीको संगीत रहेको चलचित्रमा श्री श्रेष्ठको थ्रिल छ । ‘कृष्ण लीला’ लाई यो बर्षकै प्रतिक्षित चलचित्रको सूचिमा राखिएको छ । चलचित्रमा पुष्पले अटिजम रोगले ग्रसित व्यक्तिको पात्र निभाएका छन्।
