नेपालगन्ज – स्वर्गीय क्रिकेट खेलाडी बिरेन्द्र शाहीको सम्झनामा ‘मेरो दाइ’ बोलको म्यूजिक भिडियो सार्वजनिक भएको छ । स्वर्गीय शाहीको जन्मदिनको अवसर पारेर शनिबार कैलालीको लम्किमा आयोजित एक स्मृति सभामा म्यूजिक भिडियो सार्वजनिक गरिएको हो ।
स्वर्गीय खेलाडी शाहीका भाई शाहिल शाहीले आवाज भरेको म्यूजिक भिडियोको रचना रविन स्वारले गरेका हुन् भने पुष्कर खत्रीले एरेन्ज गरेको हुन् । म्यूजिक भिडियोमा गायक शाहिल शाही, कौशल अवस्थी र रमेश शाहीले अभिनय रहेको छ । सागर परियारले व्यवस्थापन गरेको म्यूजिक भिडियोको सम्पादन अमित विकले गरेका छन् ।
रविन स्वारले निर्देशन गरेको म्यूजिक भिडियोमा युवा तथा खेलकुदमन्त्री महेश्वरजंग गहतराजको श्रदाञ्जली तथा समवेदता सन्देश पनि समेटिएको छ। भिडियो गायक शाहिल शाहीको यूट्युव च्यानलमा हेर्न सकिन्छ ।
