चलचित्र ‘प्रेम गीत ३’ नेपाल र भारतमा एकैसाथ प्रदर्शन हुने भएको छ । निर्माता तथा निर्देशक सन्तोष सेनले भारतीय संस्करणको पोस्टर रिलिज गर्दै असोज ७ गते दुई देशमा एकसाथ चलचित्र रिलिज हुने जानकारी दिएका हुन् ।
‘प्रेम गीत ३’ लाई जी-म्युजिक, यूएफओ र मधु इन्टटेनमेन्टले भारतभर रिलिज गर्नेछ । हल रिलिजको ८ सातापछि ‘प्रेमगीत ३’ ओटीटी प्लेटफर्म अमेजन प्राइम भिडियोमा समेत रिलिज हुनेछ । महंगो मूल्यमा चलचित्रको राइट भारतमा बेचेको सेनका भनाई छ । सेप्टेम्बर १ मा हिन्दी संस्करणको ट्रेलर समेत आउने भएको छ । मधु इन्टटेनमेन्ट र यूएफओले चलचित्रलाई नेपाल बाहेक विश्वभर रिलिज समेत गर्नेछ ।
चलचित्रमा नायक प्रदीप खड्का र नव नायिका क्रिष्टिन गुरुङको मुख्य भूमिका छ । चलचित्रलाई सन्तोष सेन र स्व.छेतेन गुरुङले संयुक्त रुपमा निर्देशन गरेका हुन् । प्रेम गीत ३ यस बर्षकै प्रतिक्षित चलचित्र हो ।
