नेपालगन्ज – यही पौष ३० गतेबाट प्रदर्शनको तयारीमा रहेको चलचित्र ‘चपली हाईट ३’ को प्रचार-प्रसारमा सबै भन्दा बडि समय खर्चि निर्माता अर्जुन कुमार तीव्र गतीमा लागि परेका छन् । चलचित्रको प्रदर्शन मिती पटक-पटक सरे पछी कलाकारले चलचित्रका लागि समय निकाल्नै गाह्रो माने जस्तो देकिन्छ । तर चलचित्र चले कलाकारलाई पनि फाईदा हुन्छ भन्ने कुर कलाकारले बिर्सिए जस्तो छ । त्यसैले पनि निर्माता अर्जुन एक्लै भएपनी चलचित्रको प्रचारमा दिन रात दौडिरहेका छन् ।
गत शुक्रबार प्रदर्शनमा आएको चलचित्र ‘कठपुतली’ले राम्रो संख्यामा दर्शक हलमा ताने पछी चपली हाईटले अझै राम्रो दर्शक हलमा तान्ने र राम्रो ब्यापार गर्ने विश्वास निर्माण टिमले लिएको छ । ‘चपली हाईट ३’को चर्चा दर्शकमाझ राम्रो रहेकाले पनि व्यापारमा निकै फाइदा हुने देखिन्छ । यस्तै सोही मितिमा प्रदर्शन हुने बलिउड चलचित्र पोष्टपोन्ड भएकाले पनि ‘चपली हाईट ३’को व्यापारमा ठुलो सहयोग हुनेछ ।
निर्माता अर्जुन कुमारको चलचित्र प्रचार गर्ने तरिका बडो गजब छ । शहरका भित्तामा पोस्टर टाङ्गनदेखि थर्मसमा स्टिकर टाँस्नसम्म उनी आफैं दौडिएका छन् । उनले कलाकारको साथ पनि खोजेका छैनन् । चलचित्रमा स्वस्तिमा खड्का, सुपुष्पा भट्ट, महेश त्रिपाठीलगयतको अभिनय रहेको छ भने चलचित्रलाई व्यस्त निर्देशक निकेश खड्काले निर्देशन गरेका हुन् ।
