नेपालगन्ज– अभिनेता पुष्प खड्का र डेब्यु अभिनेत्री श्रद्धा क्षेत्री अभिनित चलचित्र ‘कृष्णलीला’को ट्रेलर सार्वजनिक भएको छ । यही चैत्र २७ गतेबाट प्रदर्शनको तयारीमा रहेको चलचित्रको ट्रेलर शुक्रबार रिलिज गरिएको हो । सार्वजनिक ट्रेलरमा अभिनेता खड्काको भिन्न लुक्समा देखिएका छन् । लभस्टोरी कथामा निर्माण भएको चलचित्रले दर्शकको राम्रो साथ पाउने विश्वास निर्माण टिमलाई छ । ३ मिनेट २५ सेकेण्ड लामो ट्रेलर यस्तो बनेको छ ।
दीपक वलीले निर्देशन गरेको चलचित्रमा पुष्प र श्रद्धासँगै बुद्धि तामाङ, रविन्द्र झा, नवीन रेग्मी, हिउँवाला गौतम, भावना गुरुङ, आयुष गुरागाई लगायतका कलाकारहरुको पनि अभिनय छ । चलचित्रको कथा लक्ष्मण सुवेदीले तयार पारेका हुन् । आरआर फिल्मस्को ब्यानरमा रोहित कट्टेलको प्रस्तुति तथा रत्न श्रेष्ठ कार्यकारी निर्माता रहेको ‘कृष्ण लीला’को निर्मातामा प्रकाश कार्की र केवल तामाङ छन् । चलचित्रमा रामजी लामिछानेको कोरियोग्राफी, शिव ढकाल र बाबु श्रेष्ठको छायांकन र अर्जुन जिसीको सम्पादन रहेकोछ ।
