बलिउडका बादशाह शाहरुख खान र नायिका आलिया भट्ट मिलेर ‘डार्लिङ्स’ नमक चलचित्र निर्माण गर्ने भएका छन् । शाहरुख खानको रेड चिल्लीज इन्टरटेनमेन्ट र आलियाको ईन्टरनल सनसाइन बिच ‘डार्लिङ्स’ को लागि सहकार्य भएको हो ।
‘डार्लिङ्स’ निर्माण गर्न लागेको बारे आलियाले सोमबार सामाजिक सञ्जाल मार्फत जानकारी दिएकी हुन् । इन्टरनल सनसाइन प्रोडक्सनको मेरो पहिलो उपहार डार्लिङ्सको निर्माण घोषणा गर्दैछु । आफ्नो फेवरेट शाहरुख खानको रेड चिल्लीज इन्टरटेनमेन्टको साथमा, आलियाले लेखेकी छिन् ।
जसमीत के रीनको निर्देशनमा बन्ने चलचित्र ‘डार्लिङ्स’ मा आलियासँगै शेफाली शाह, विजय बर्मा, रोशन मैथ्यूको अभिनय रहनेछ । शाहरुख भने निर्माताको भूमिका मात्रै रहनेछन् । यस्मा उनको अभिनय रहनेछैन । आलिया र शाहरुख खानले ‘डियर जिन्दगी’मा अभिनय गरेका थिए ।
