सञ्जय लीला भन्सालीको जन्मदिनको अवसर पारेर ‘गंगूबाई काठियावाडी’को टिजर सार्वजनिक गरिएको छ । चलचित्रमा बलिउड अभिनेत्री आलिया भट्ट फरक प्रस्तुत भएकी छन् ।
सञ्जय लीला भन्सालीले निर्देशन गरेको चाल्चित्रमा भन्सालीसँगै जयन्तीलाल गडाको पनि लगानी रहेको छ । कमाठीपुरा रेड लाइट एरिया व्यवस्थापनदेखि माफिया क्विनको परिचय बनाएकी गंगूबाईको रियल स्टोरीलाई चलचित्रमा उतारिदैछ । जसमा गंगूबाईको भुमिका आलियाले निभाएकी छन्। भने डन करीम लालाको भुमिकामा अजय देवगन देखिदैछन् ।
गंगूबाईको पुरा नाम ‘गंगा हरजीवन दास’ हो । उनको पतिले बेचेपछि उनी वेश्यावृतिमा धकेलिएकी थिइन् । त्यसपछि उनी गंगूबाईको नामले परिचित भइन् । साथै उनी मुम्बईकी माफिया क्विन बनिन् । चलचित्रको कथा पुस्तक ‘माफिया क्विन्स अफ मुम्बई’मा आधारित रहेर हुसैन जैदीले तयार पारेका छन् ।चलचित्र ३० जुलाई श्रावण १५ गते देखि प्रदर्शन हुँदैछ । यही मितिमा प्रभास र पूजा हेग्डेको ‘राधे श्याम’ पनि प्रदर्शन हुँदैछ ।
