बलिउड स्टार आमिर खानको सुपरहिट चलचित्र ‘पिके’को सिक्वेल बन्ने भएको छ । चलचित्रका निर्माता विधुविनोद चोपडाले सिक्वेलको निर्माण घोषणा गरेका हुन्। राजकुमार हिरानीले निर्देशन गरेको पिकेको पहिलो पार्टमा आमिर र रणवीर कपूर पृथ्वीमा फर्किएसँगै सिनेमा सकिएको थियो । चलचित्रको सिक्वेलको लागि कथा लेखन भइरहेको बताउदै विधुविनोदले भने, ‘अहिले स्क्रिप्ट लेखनको काम भइरहेको र सकिए लगत्तै निर्माण सुरु हुनेछ । चलचित्रको अन्तिममा आमिर र रणवीरलाई देखाइएको थियो । सबैलाई थाहा छ त्यसमा एउटा कथा छ ।’
उनले भने, ‘हामी पैसा कमाउने व्यवसायमा छैनौं । हामी चलचित्रको व्यवसाय गरिरहेका छौं । पैसा कमाउनै परे मुन्ना भाइका छ–सात सिक्वेल बनिसक्थे । पिकेका केही सिक्वेल बनिसक्थे ।’ पछिल्लो समय राजकुमार हिरानी र रणवीर कपूरले ‘सन्जू’मा सहकार्य गरेका थिए ।
