फागुन २९ गते प्रदर्शन मिति तोकिएको चलचित्र ‘लालिमा’को टिजर सार्वजनिक भएको छ ।
निर्माण पक्षले मंगलबार साँझ उक्त टिजर ओएसआर युट्युब च्यानलमार्फत् सार्वजनिक गरेको हो ।
टिजरमा चलचित्रकी शीर्ष नायिका रोशनी कार्की एकल फिचर्ड छन् । उनी कोठाभित्र मानसिक समस्यामा परेर छट्पटाइरहेको दृश्य उक्त टिजरमा देख्न सकिन्छ । टिजरमा कथा सस्पेन्स राखिएको छ ।
टिजर
चलचित्र ‘लालिमा’का लेखक तथा निर्देशक रोशन मिराजका अनुसार यो तीन हजार यौनकर्मीको अनुभवमा आधारित घटनामा चलचित्र बनेको हो ।
चलचित्रमा रोशनीसहित नायकहरु शिशिर वाङ्देल, जीनव भट्टराई, नायिका उषा रजक र सुष्मा निरौलालगायतको अभिनय रहेको छ ।
फेथ आस्थाले निर्माण गरेको यस चलचित्रको कार्यकारी निर्माता रीना लामा हुन् ।
