निर्माता जयन श्रेष्ठले ठगि गरेको प्रमाण फेला परेको छ। एक नव-कलाकार सचिन अधिकारीसंग सिरिज बनाउन भनेर पैसा लिएर सिरिज पनि नबनाएको र पैसा पनि फिर्ता नगरेको भन्दै सचिनले फेसबुकमा जयनाले ठगि गरेको प्रमाणहरु पोस्ट गरेका छन्।
जयनले ‘हर्ट बिट’ नामक सिरिज बनाउनको लागि सचिनसँग पैसा लिएका हुन्। आफुले लिड रोलमा अभिनय गर्ने भनेर सचिनले जयनलाई पैसा दिएका हुन्। जयनको विरुद्ध सचिनले चाडै मुद्धा हाल्ने समेत बताएका छन्।
आफुले पहिले देखि नै वार्निङ्गदिएको तर जयनाले वास्ता नगरेको भन्दै उनि लेख्छन् -‘मैले भरोसा गरेर प्रोजेक्टको लागि पैसा दिए। धन्न पैसा जम्मा गरिदिएको रिसिभ छ। ठगि केस लाग्ला ! पैसा सब दिए प्रोजेक्ट के भाछ? कस्तो भाछ? पत्तो छैन।’ उनले लास्टमा लेखेका छन्- ‘म त ठगिए तर म जस्तो अरु ठगिन भएन।’ यस विषयमा बुझ्न हामीले जयनलाई सम्पर्क गर्दा जयनको फोन उठेन।
जयनले षट्कोण, किंग लगायतका फिल्म निर्माण गरेका छन्। यता सचिनले भने केहि सिरिजमा अभिनय गरिसकेका छन्। सचिन नेपाली चलचित्र क्षेत्रमा संघर्ष गरिरहेका कलाकार हुन्।
