नेपालगन्ज – गत शुक्रबारबाट देशभर प्रदर्शनमा आएको चलचित्र ‘नरसिंहा अवतार’को प्रचारप्रसारलाई थप प्रभावकारी बनाउन निर्माण युनिट भोलि जेठ १४ गते, बुधबार नेपालगन्ज आउने भएको छ ।
चलचित्रको टिम भोलि धनगढी हुँदै नेपालगन्ज आउने र नेपालगन्जको सिनेमाघर सिनेरोयल र क्युएफएक्स बागेश्वरी सिनेमाजमा दर्शकसँग भेटघाट गर्ने कार्यक्रम रहेको छ ।
महानायक राजेश हमालसहितको टीमले दर्शकहरूलाई प्रत्यक्ष भेट्ने, चलचित्रको बारे प्रतिक्रिया लिने र पत्रकारसँग अन्तरक्रिया गर्ने छ।
चलचित्रका मिडिया सल्लाहकार श्रीधर पौडेलका अनुसार टिममा हमालसँगै अभिनेत्री सनिशा भट्टराई, अभिनेता राज कटवाल, प्रकाश कुवर, निर्माता नरेन्द्र महर्जन र वितरक छविराज ओझाको पनि सहभागीता रहने छ ।
टिमले दिउँस २ बजे पछि सिनेमाघरमा दर्शकहरूसँग भेट्ने र प्रतिक्रिया लिने कार्यक्रम रहेको छ ।
