अभिनेत्री आँचल शर्मा र अभिनेता खगेन्द्र लामिछानेलाई जोडी बाँध्दै ‘हर्ष’ चलचित्र बन्ने भएको छ । चलचित्रलाई डेब्यू निर्देशक एकता पौडेलले निर्देशन गर्नेछिन ।
ई प्राइम मुभिजको ब्यानरमा बन्ने चलचित्रमा हाललाई प्रमुख कलाकारमा आँचल र खगेन्द्रमात्र फाइनल भएका छन् । उनीहरुका अलावा अन्य कलाकारको जानकारी निर्माणपक्षले केही समयपछि दिने जनाएको छ ।
चलचित्रलाई प्रशन्न पौडेल र विकास पौडेल (चितवन)ले निर्माण गर्दैछन् भने कार्यकारी निर्मातामा हिक्मत चोखल (चितवन) रहेका छन् ।
आलोक शुक्लाको सिनेम्याटोग्राफी रहने चलचित्रमा ईश्वर घिमिरे प्रोडक्सन म्यानेजर रहेका छन् ।
को हुन नव निर्देशक एकता पौडेल ?
एकता पौडेल दिवंगत निर्देशक शिव रेग्मीकी भान्जी हुन भने उनले न्यूयोर्क फिल्म एकेडेमीमा चलचित्र मेकिङ अध्ययन गरेकी छन् ।
आमसंचारमा स्नातक गरेकी एकताले व्यवस्थापन तथा नेतृत्व विषयमा स्नातकोत्तर समेत गरेकी छन् । यसका अलावा उनले केही छोटा चलचित्रहरु बनाएकी छन् ।
