सरोज न्यौपानेको नयाँ चलचित्र ‘फन फनी घुमेर’को घोषणा भएको छ । यो चलचित्रको सामाजिक संजाल मार्फत औपचारिक घोषणा भएको हो । अनन्या फिल्मस्को प्रस्तुतिमा निर्माण हुन लागेको यो चलचित्रलाई भविष्य खड्का र सरोज न्यौपाने मिलेर बनाउन लागेका हुन् ।
निर्माता सरोज हाल ‘जेरी अन टप’को छायांकनमा व्यस्त छन् । यो चलचित्रको लागि कलाकार, निर्देशक र प्राविधिक केही दिनमा तय गर्ने निर्माणपक्षले जनाएको छ । चलचित्र निर्माणको घोषणा भएगँगै प्रदर्शन मिती पनि तय गरिएको छ । यो चलचित्र आगामी बर्षको दसैंमा रिलिज हुनेछ । यसरी हेर्दा आउँदो बर्षको दशैंमा ‘फन फनी घुमेर’ पनि आउने भएपछि संख्या झनै बढेको छ । यसअघि ‘महाराजधिराज, परालको आगो, माइतीघर’ लगायतका चलचित्र दशैंमा रिलिज गर्ने पक्का भइसकेको छ ।
