नेपालगन्ज, चलचित्र “ज्वाइँ साब”को टिम आज बुधवार नेपालगन्ज आउने भएका छ। असोज २४ गते फुलपातीको दिनदेखि देशैभर प्रदर्शनमा आएको चलचित्रले दर्शक बाट राम्रो प्रतिक्रिया पाईरहेको छ ।
हलमा कम शो पाए पनि पाएको शोमा वर्ड अफ माउथ राम्रो हुदा चलचित्रप्रति दर्शकको क्रेज बढ्दै गएको निर्माण पक्षले जनाएको छ ।
चलचित्र ’ज्वाइँ साब’का मुख्य कलाकार जितु नेपाल, निति शाह र निर्देशक बसन्त निरौला लगायतको टिम नेपालगन्ज आउन लागेको हो ।
राजधानीका विभिन्न हलहरुमा पुगि दर्शक प्रतिक्रिया लिदै आएको चलचित्रको टिमले मोफसलमा आज नेपालगन्जको क्युएफएक्स सिनेमा र सिने रोयलमा दर्शक भेटघाट गर्ने र प्रतिक्रिया लिनेछन् ।
राजकुमार पण्डित प्रस्तुतकर्ता र वसन्त निरौलाको निर्देशन रहेको चलचित्रमा जितु नेपाल, निती शाह, बुद्धि तामाङ, हिमेश पन्त, रमेश बुढाथोकी, निमा पाण्डे, शिशिर वाङ्देल, कविता आले, दीपक आचार्य, राजकुमार पण्डित, कमलमणी नेपाल, प्रकाश घिमिरेलगायतका कलाकारहरूको अभिनय रहेको छ ।
